عندما يبكى الرجل!!!!

كم هي عزيزة دموعنا... لا نحب أن يراها احد سوانا وهى تتساقط... نواريها عن الأنظار..نحاول أن نخنقها.. نحبسها... نقتلها وهى مازالت تحبو في مهد الجفون...نعتبرها لحظة ضعف لا نريد تكرارها..في أحلى أيام عمرنا وأنقاها .. مرحلة الطفولة .. – نحن معشر الرجال- إذا بكينا نجد الكلمات تنزل على رؤوسنا كالسيل المنهمر(( لا تبك فأنت رجل)) (( البكاء خلق للمرأه)).. فهكذا.. في لحظه.. إذا بكيت زالت عنك صفة الرجولة.. أمطرتك كلمات السخرية من هنا وهناك...فأصبحت عقيدة لديك أن البكاء والدموع ليست من شيم الرجال..ولكن آه.. وألف... آه... إذا ما نزلت دموع الفراق و القهر والشعور بالظلم والذل والهوان و الهزيمة... يالها من دموع قاسيه على النفس...دموع متحجرة..تشعل الأرض من تحتها كالحمم البركانية...تكاد تجزم أنها بلون الدم..دموع الأب إذا قتل وليده بين يديه... ودماؤه تلطخ وجنتيه وهو يحتضنه ويصرخ ... ولدى... ولدى.. ولدى...دموع الجندي إذا هزم في معركة واحتلت بلاده...دموع قهر وهوان ما بعده هوان...تنزل على الرمال فتحيلهاإلى نار مستعرة تشوى الوجوه... تشعرك بمرارة الهزيمة في كل خطوه تخطوها...دموع الفارس الذي يهوى من على صهوة جواده دون إرادته... يسلم رايته لعدوه... بنظرة الم وانكسار..دموع المظلوم عندما لا يجد من ينصفه ويعيد حقه المسلوب.... وهو يقتاد إلى ساحة القصاص ويصدر الحكم ضده... وهو برئ....دموع رجل طاعن في العمر... ضاقت عليه الدنيا بما رحبت.. قبل أن تضيق عليه قلوب أولاده وتتحجر...يجلس وحيدا مهموما على مائدة الإفطار في رمضان...لا يستطيع أن يساعد نفسه في شربة ماء... تتساقط دموعه سيلا منهمرا على خده... يتوارى خلفها ذكرى أبنائه وهم صغار يلعبون حوله بفانوس رمضان.... على مائدة واحده.... ينتظرون مدفع الإفطار.... وخلفه صورة لزوجته الراحلة...دموع من يترك بلاده وأحبابه...يسافر إلى المجهول ....يعيش وحيدا... بحثاً عن مستقبل أفضل....مادياً؟؟؟؟دموع من يتلقى طعنه من عزيز عليه ... من صديق وفى.... دموع على انهيار الأخلاق...دموع من يدخل وطنه بتصريح من محتل غاصب... دموع... دموع... دموعوعلى النقيض تماما فهناك دموع يتمناها الرجل كثيرا أن تتساقط... لا يستطيع منعها... تسقط بعفويه يتراقص لها القلب وأعضاء الجسد وتتفاعل معها...دموع الندم والتوبة... ويا لها من دموع صادقه...فكم هي الفرحة بالعودة إلى رحاب المولى- عز وجل-أن تقف أمامه- سبحانه وتعالى- نادما.. طالبا العفو من رب العباد...تبك على خطاياك.. معاصيك ذنوبك....تغسل بها جسدك...تفرح بها الأرض وتحتويها بحنان...وتفرح بها السماء فتعيدها مطرا ينبت الزرع والأرض الجرداء... دموع فرحة اللقاء بحبيب باعدت بينك وبينه الأيام...بنمو ابنك أمام عينيك شيئا فشيئاً...دموع النجاح دموع النصر على العدو الذي يحتل جسدك ووطنك....دموع الحرية وعودة الكرامة... دموع...دموعهذه دموع... وهذه دموع... وهذه تسقط... وهذه تسقط...ولكن ستظل أنت رجل..مهما ذرفت عيناك من دمع... ستظل رجلاً...ستظل رجلاً

حب ولا كيس لب ! مفيش حل

مش عايز حد يستغرب من العنوان بس ياريت تفهموا قصدى كويس من البوست دة لانه بيعبر عن احساس ناس كتير

مستغرب ليه
ده واقع معظمنا عايش فيه
حب ياهانم !! حب يا بيه !!

كله ماشي علي الكورنيش يمسك كيس لب
عفوا اقصد حب
تفتكروا ده الحب ؟
اصل الكيس مسيره يخلص ويجي غيره
والقديم يروح لمصيره
ويتلغي من تفكيره
حب يا هانم!!حب يا بيه!!

شوف وصلنا لايه وايه الي بنتسلي بيه ؟
ياتري لو عرفنا ان ده مصيرنا هنفكر بغيرنا ؟
او نخلص ونحب بضميرنا ؟
طيب والي حبوا قبلنا استمروا ليه ؟
اقولك ده سر الصنعه يا بيه
زمان مكنش فيه انت عندك ايه؟
دلوقت بكام وهتلف بورق نوعه ايه؟
شوفتوا الكيس بقا ازاي رخيص
كل وقزقز وشيل تفتكر هتستمر كتير
لا يا بيه حتي لو خلص الكيس عمرك ما هتحس بيه
يبقا تتعب نفسك ليه

اختار اللب اهو ده الي تقدر تشتريه......

مش فارقة كتير احمد ربك على كل حاجة

بتأسف عن الغياب وذلك لامتحاناتى بس انتهت الحمد لله وعدت على خير وانتظروا منى بوستس جامدة ان شاء الله والبوست دة يخص ناس كتير ويمكن انا برضه المهم البوست بيقول

كثيـرة هي العقبات التي تعترض طريقك كل يوم خلاف مع صديق .. سماع كلمة جارحة .. اخفاق في مهمة .. ؛تعطيها كل وقتك .. و جهدك .. و تفكيرك .. و عقلك .. ؛ و لكن هل سألت نفسك؟!!
هل يستحق الأمر كل هذا العناء؟! كم مرة سمحت لليأس أن يطرق باب قلبك؟! كم مرة نظرت إلى الكأس أمامك و قلت: إن نصف كأسي فارغ ..بدلاً من أن تقول: إن نصف كأسي مملوء ؟!
ما قيمتك إذا سمحت للتوافه أن تحطمك و تسحق كبرياءك!! أين عزيمتك عندما تفتح باباً للألم و الحزن و الهم و الإحباط كي يدخلوا إلى نفسك!!أين؟؟
الحياة درب طويل تتخلله العقبات لن تعرف معنى السعادة دون أن تتجرع كأس المرارة و لن تشعر بفرحة النجاح دون أن تجرب الفشل و لن تنعم بالراحة دون أن تعرف معنى الألم
هكذا هو درب الحياة .. ؛ عليك أن تتعثر بهذا الدرب لكي تستطيع المشي فاجعل من توافه الحياة أسباباً لنجاحك و ذخيرة لخبراتك يفتح لك ذراعيه بل ستعترضك الكثير من العقبات بل وربما تصل لمرحلة تشعر أنك غير قادر على المتابعة
فهل أنت شخص انهزامي؟!!هل ستتقبل هزيمتك بسهولة و تعلن استسلامك؟!!إذا كنت كذلك فأنت تستحق أن تحطمك التوافه
أنت أيضاً .. ؛ بإمكانك أن تبدأ المعركة من جديد و لكن هذه المرة ضع نصب عينك أن تنتصرو لا تستسلم لهزيمة توافه حياتك ادفع بألمك و إحباطك و قلقك و حزنك و جروحك بعيداً عن مخيلة رأسك
فحياتك كنز ثمين لا تستحق أن تضيعها بين هاويات الطرق ودائما قل لنفسك انك افضل وأحسن من الذين يتربصون لك

ينتظرونك ان تنحرف عن الطريق لكن لا لن تنولوا ما فى بالكم فان الله سيكون معك باذن الله

وأخيرا( لا تلتفت الى الكلام لانه هو سبب تاخرنا وقلة تفكيرنا ) وقل دائما :الحمد لله رب العالمين

رسالة

ان هذه الرسالة لن تصلك و ربما لن تقرئيها أبدا و لكني رغم ذلك أكتبها اليكى.....لقد اشار علي قلمي أن أخط افكاري و مشاعري علي سطور أوراقي فربما اذا رأيتها أمامي انتهت حيرتي و انطفأت النار المشتعلة في صدري و تصالح عقلي و قلبي و عرفت من انتى بالنسبة لي......أتدري؟؟ ما زلت اذكر أول يوم رأيتك فيه, كيف تلاقت أعيننا في صمت هادئ مريح, كيف تناثرت الكلمات بيننا و انسابت كشلال ماء صغير, لا نعرف لها معني و لكنها حملت ابتسامتنا معها و وعدت بلقاء جديد.هل تذكرى؟؟ كيف تعددت لقاءتنا و تنوع حديثنا و تعانقت الافكار فيما بيننا و شعرنا لو أن كل منا يقرأ نصفه الآخر و كأنه يعرفه منذ أمد بعيد.هل اختلفنا؟؟ حتي في اختلافاتنا كان حوارنا هادئا, لم يحاول أي منا أن يفرض رأيه علي الآخر بل استمع له بقلب مفتوح و عقل واع , استمع اليه بحب.... ألم يكن كذلك تواصلنا؟ و حيرتي؟؟ و مضت أيام لا أحصيها و أنا أخطو بحذر داخل ميدان عقلك, أحاول أن أراكى كاملة أمامي دون غموض, و لكن ابتسامتك أخفت الكثير و زادت من حيرتي تعقيدا و تصرفاتك أربكتني فلم أعد أعرفك كما ظننت!!من أنا ؟؟ و مزقتني الحيرة ازاء سكوتك, و تردد السؤال بداخلي مرات و مرات, من أنا بالنسبة لكى؟ فهل تعرفى اجابة لهذا السؤال؟؟ و أنتى؟؟ و قبل ان اسألك لم لم أسأل نفسي؟؟ أم أني أخشي الاجابة....و هؤلاء؟؟ و من حولنا لماذا لم يحترموا توافقنا؟ لماذا اقتحموا حديثنا, و أطلقوا سهامهم المسمومة من أعينتهم و ألسنتهم نحونا؟ لماذا لم يحتضنونا لينموا ما بيننا نظيفا طاهرا حتي نراه واضحا فربما أنهيناه نحن بأيدينا اذا لم نجد له جدوي؟ لست أدري؟؟ اذا كان اختيارى لكى كان صائبا من البداية أم لا وفى الاخير أريد ان اقول( إن صمتــى .. لا يعنــى جهلــى .. بمــا يــدور حولــى ولكـــــــن ... مــايــدور حولــى .. لا يستحــق الكـــلام...::" صمتـــى لغـــتى ..:.. فأعذرونى فى قلة كلامــى "::...) ولا فى وسعى غير قول :أن الله أكبر من كل شئ وشكرااااااااااااا...

اصحوووا يا بشر!

ايه يا جماعة انتوا مش حاسين باللى بيحصل اليومين دول مش واخدين بالكوا ان الرسول(صلى الله عليه وسلم) بيسبوه كل يوم وان احنا بنتشتم كمسلمين اصحوا بقى!!!

من كام يوم خرج علينا احدالشيوخ واقسم ان الرسول جاءه فى المنام وهو يبكى لسبه من الدنمارك وكان يقول :"اما آن الاوان ان تدافع عنى امتى & اليس من حق امتى علي ان تدافع عنى"

انا مش داعية بس الموضوع دة تاعبنى ودة لاننا احنا بعدنا عن اللى احنا اتخلقنا علشانه

لان كل واحد فينا بيدور ازاى يشبع رغبته وشهوته هى دى الحقيقة اذا كان الانسان دة بنت او ولد

بعدنا وبقينا بنفكر فى حاجات تانية كتيرملهاش لازمة لاننا اتفتنا بالدنيا ونسينا ان فيه يوم حساب وبقينا بنجرح فى بعض وبنافق بعض

دة مش معناه ان انا بقى الانسان الكامل اللى هو (الكمال لله وحده) لأ انا كمان معاكوا

ياريت تقولولى انتو عملتوا ايه لما سمعته سب النبى اللى بقى على كل لسان طيب ناويين تعملوا ايه ؟

على فكرة انا اتوصفلى الصور المسيئة للرسول الكريم من واحد شافها كان فى ايطاليا الايام دى بس ماينفعش اقولهالكم لانها خارجة عن الادب

منهم لله ادعوا معايا عليهم

أخيرا وليس آخرا عايز اقول حاجة للناس اللى غلطت فيا (اللهم إني سامحت كل من أساء لي في حضوري أو غيابي لوجهك الكريم اللهم إني غفرت ما بيني وبين الناس لوجهك الكريم فاغفر لي ما بينى وبينك يا غفور يا رحيم )

هل الحب حرام؟؟؟

أوقات كتير بفكر مع نفسى فى حاجات غريبة والمرة دى فكرت فى الحب بس يا خسارة
موصلتش لحاجة علشان
انا فكرت وسالت نفسى هل الحب حلال ولا حرام ؟

هل العلاقة بين الرجل والمرأة حلال ولا حرام؟

انا مش عالم من العلماء ولا داعية فى الدين بس انا عايز اعرف الحقيقة
عارفين حقيقة ايه ؟ حقيقة اللى الشباب فيه انا شايف ان فيه ناس كتير بتحب من جيلنا بس الكلام دة صح ولا غلط
انا كل ما اسمع داعية فى حكاية الحب دة الاقيه بيناقض نفسه مرة يجزم انه حرام ومرة تانية تكون حلال
حتى علماء الدين منقسمين فى الموضوع دة مرة اشوف واحد بيقول حلال وواحد تانى بيقول حرام
انا اتلخبطت لدرجة انى مابقيتش عارف الصح من الغلط
من ايام استضافوا واحد فى قناة المحور قال كلام غريب جدا قال ان اول نظرة مش حرام طيب ماشى كلنا عارفين كدة بس استعجبت لما قال ان اول بوسة حلال ودة لما اتنين فى طريقهم لبداية علاقة هههههههههههه(كلام فارغ)كله هبل
ويبرر موقفه بان الزواج بقى صعب( يظهر انه عايز يتعالج نفسيا)
المهم فى الاخر برضه موصلتش لحل ولا عرفت الحرام من الحلال
انا كل اللى انا عايزه ان لو واحد فيكم سمع اى حاجة عن الموضوع دة يقولى او له راى ميتكسفش ويقول يمكن اوصل وتوصلوا معايا لحل

يالسخرية القدر!!!! والدنيا

الموضوع باين من عنوانه

من كتر ما شفت بقيت بضحك على اى حاجة اصلى هعمل ايه؟

كنت الاول بتضايق وكنت فى حيرة اضحك ولا ابكى بس اتغير الحال بقيت بضحك على كل حاجة

مرة واحد صاحبى كان بيقولى انه مخنوق فقلتله من ايه ؟" وكنا راكبين المواصلات"

فقالى بص قدامك بصيت لقيت اللى كان قاللى انه بيحبها ادام راكبة وبتضحك مع واحد وعملت نفسها مش شايفاه مع انه كان ادامها

بس الموضوع ماضيقهوش اوى غير لما شاف ان اللى معاها وقاعد بيضحك معاها هو صاحبنا القديم اللى كان شاهد على الحكاية من 3 سنين تخيلوا صاحبنا اللى كان معانا ويعرف كل حاجة عننا لا ومش كدة كمان دة عمل نفسه ماشفناش ولا كأنه يعرفنا

ساعتها بصيت لصاحبى وخبطت على كتفه وضحكت وقولتله اضحك كفايه الناس تعبانه خلقة اصل هتعمل ايه ؟

هى دى الحقيقة واحنا مش فى مسلسل او فيلم احنا فى الدنيا

صاحبى بصلى كدة وابتسم ابتسامة صفرا وقاللى جملة من كلمتين (يالسخرية القدر) الكلمة دى مطلعتش من دماغى مش عارف ليه

يمكن علشان انا اصلا مخنوق من حاجات كتير بس الحمد لله ولا ايه؟

المهم قولتله انت اللى تملكه انك تدعى ربنا وتقول (حسبى الله ونعم الوكيل ) عليهم هما الاتنين طول الطريق وهو مبيقولش غير حسبى الله ونعم الوكيل بس مبيقولهاش كدة بيقولها وهو بيبتسم انا عارف ان الابتسامة دى وراها حزن يهز جبال لان انا اكتر واحد يحس بيه

اصله صاحبى الانتيم واللى بعتبره نفسى

وبعد ما روحت لقيت نفسى بضحك وبقول (يالسخرية القدر والدنيا) على العموم الحمد لله

ودة كله مكتوب ومتقدر واحنا اللى بنسوق فى الغلط عارفين ليه؟

فيه كلمة قالهالى اخويا لما كنت صغير ومفهمتهاش بس انا دلوقتى فهمتها "ان الغلط بيولد غلط" وان اللى غلط يتحمل نتيجة غلطه واظن ان صاحبى غلط لما اختارها من الاول

واخيرا فعلا (يالسخرية القدر)انتوا ايه رايكوا فى الموضوع دة ؟